Мен мектепте жақсы оқып, оқуымды үздік аяқтадым және қызыл диплом иегері атандым. Жоғары білімімді Қарағанды университеті қабырғасында алып, 2024 жылы тәмамдадым.

Қазіргі таңда химия және биология пәндерінің мұғалімі болып қызмет атқарамын. Оқушыларға сапалы білім беруге, әр сабақты қызықты әрі түсінікті өткізуге ерекше көңіл бөлемін. Өз пәндерімді жақсы көремін және үнемі кәсіби деңгейімді жетілдіріп отыруға ұмтыламын. Жауапкершілігі жоғары, еңбекқор, білімге құштар және мақсатшыл маманмын. Оқушылармен тез тіл табысып, олардың пәнге деген қызығушылығын арттыра білемін. Сабақ барысында заманауи әдіс-тәсілдерді қолданып, әр оқушының қабілетін ашуға күш саламын.
Мен үшін мұғалімдік – жай ғана мамандық емес, болашақ ұрпақты тәрбиелеуге және олардың өмір жолына бағыт-бағдар беруге мүмкіндік беретін құрметті міндет.