IT-лицейде білім алып, мектепті үздік (қызыл) аттестатпен тәмамдадым. ҰБТ-дан жоғары балл жинап алдым:118/140, соның ішінде математикадан 44/50. Күрделі тақырыптарды қарапайым тілмен түсіндіре аламын, есептерді қадам-қадамымен талдап, оқушының түсінгеніне көз жеткіземін. Сабақтарым түсінікті әрі нәтижелі болуына мән беремін

Мектепте оқып жүрген кезімнен бастап сыныптастарыма күрделі тақырыптарды түсіндіруге көмектесетінмін, сондықтан материалды қарапайым әрі түсінікті тілде жеткізе аламын. Мен үшін оқушының сабақта өзін сенімді сезінуі және еркін сұрақ қоя алуы маңызды. Әрқашан сабырмен түсіндіремін және қолдау көрсетемін, өйткені менің ойымша «ақымақ сұрақ» болмайды – тек толық түсінілмеген тақырып болады. Сабақтарымда тек есеп шығаруға ғана емес, логикалық ойлауды дамытуға да назар аударамын, тақырыптар арасындағы байланысты көруге үйретемін. Уақыт өте келе оқушының өздігінен ойлап, шешім табуға дағдылануына ықпал етемін. Менің сабақтарымнан оқушылар құр жаттап алуды емес, пәнді терең түсінуді, өз күшіне сенімділікті және білімді тәжірибеде қолдана білуді күте алады.